شعر عتاب

موضوع: شعر عتاب السبت فبراير 07, 2009 5:07 am

قلي على الله وابتعد عنك وارتاح.......قلي على الله بس من غير تجريح

من شب نار الشوق ياشوق ماصاح.....واللي وطاها يشرح الجيب ويصيح

لو لاالغلا ماهنت النفس ياصاح.........محبتي لك ماوراها مصاليح

وشلون تنسى يالغضي كل ماراح.......مركب غرامك صار مع وجهت الريح

القلب في يمناك ياعزوتي طاح..........حنا على شط الرجاء بك مجاريح

جرحتني واحسبك للقلب جراح.........اشوف بعيونك على الصد تلميح

قلي على الله وابتعد عنك وارتاح.......قلي على بس من غير تجريح

الشاعر عبالله العليوي

ابشر ترى قلبي نوى اليوم ينساك....ودع هواك بمنتهت سود الايام

وعشنا حياة العز من بعد فرقاك....... انثر شقاك بدرب غيري والاوهام

يماتحملـــت الغرابــيل ويـــاك.........يما علينا بالخطاء سقت الادنام

الى متى اصبر واتجاهل خطاياك.......وتخطي وقلبي من خطاياك منضام

ابعد وخل الوقت بالذل ياطاك...........مثلك ولويصفي لك الوقت مادام

رح للذي غرك وقفاء وخلاك...........وسهر مثل ماسهرت عيوني العام

واليوم سافرعن خفوقن قد عطاك....صافي حنانه واعتبر حبك احلام

الشاعر العقيلي

محبتك غلطة عمـر في حيــاتي
ابعتذر عنها لعمري والايـــــام
اشقيت نفسي فيك من حسن ذاتي
أزرع لك رياض الغلا وأرسم أحلام
حتى بنفسك مـاتسوي سـواتي
كلي وفاء وأنت الوفاء عندك أوهام
خذ حبـك المجروح مع ذكرياتي
مـابي بقايـا منــك ياغالي العام
لاني غنــاة لك ولانتب غناتي
عشنا الغلا بس الغلا عـاد مـادام
أقولــها ماعض سني شفـاتي
مابــي حسايف يكفي عيوني تنام

الشاعر سليمان السلامة

يست من رجـواك يانـاسي الحب
لو بك رجا ماضاع عمري وأنا أرجيك
أربع سنين أرجيك وأشكي لك القلب
أشكي جـروحه منك ربي يجازيـك
تشوفـني يـازين في عـابر الدرب
وتصـد عني كـن غـيري يناديك
أعطيك قلبي وانت تعـلن لي الحرب
نفسك كبيرة ماتبي من يداريــك
تجرحني بصدك وهجـرك بلا ذنب
إلا أن قلبي ياهـوى النفس يغليـك

موضوع: رد: شعر عتاب الأحد فبراير 08, 2009 3:01 am

موضوع: رد: شعر عتاب الأربعاء فبراير 11, 2009 5:57 pm

شكررا ورده على المرور

موضوع: رد: شعر عتاب الخميس فبراير 12, 2009 5:42 pm

الف شكر الك زياد عالشعر

تقبل تحياتي لك نور النجف

موضوع: رد: شعر عتاب الجمعة فبراير 13, 2009 11:20 pm

شكرررا نور على مرورج الجميل وتحياتي الج
زياد الحديثي