ما أشوفك تحبني وجنك أنت بعيد
أ شما أقرب عليك أتزيد حسراتك
أذا خايف أحرجك كلي ليش أتخاف
ما رايد آني أصبح سبب مأساتك
احسب للطريق وشوف دربك زين
بس آني أعتقد حاسب حساباتك
مرات آني أشوفك قمة بالأشواك
ومرات أحس كلبك عكس نظراتك
أشوفك ترف وأطمع ع الترافه البيك
أجيـــــك وتنكلب قاسي بعلاقاتك
ب(حاتم) بالكرم وأكثر بعد للناس
بس وياي تبخل ليش ساعاتك
تلعب على جروحي وتضحك ومرتاح
وأنا ابطيبة كلب أحمل جراحاتك
واضح ويه غيري وغامض أنت وياي
أتمنى آني غيري واحوي ضحكاتك
بس راح آني أعوفك وأنشغل بالروح
وما تلكى من يمسح غيري دمعاتك
::::::::::::::::::::::::::::::::::::::::::::::::::::::::::::::::::::::::::
للشاعر محمد رحيمه الطائي
الرئيسية 
أحدث الصور 
موضوع: تلعب على جروحي 
الإثنين أبريل 13, 2009 8:29 pm
