على متوني حمل ذكراك والليل وعلى متونك حمل دمعي وعذابي
بابك من بعد يطرد بالجفوف وانا بلا ماتدك ينفتح بابي
كاتلني العطش وبخدي شلال طر المكبره وعطّش ترابي
على دفتر غيابك طاحت العين شعجب مابين بعينك غيابي
صرتلك لافته بوجه الحياطين وكثرما ينقره تشكك كتابي
رسم بيه الوكت غربه ومحطات وتموز وعطش فطّر شفافي
بجيت عليك حد ما يبست العين وّره عيوني بجن دم الجفافي
دربك جمر يلهب غير اطفيه كلت لا لازم اوصل ليك حافي
على جفوفي انطبع جفك والوداع وعلى جفوفك الحنه ودمي غافي
أنا الصخرات عمر تكسّر الروج وكت خلاني أدور عالمرافي
تدري أنت النهايه تكطّع الروح جاي بكل سهوله تكلي كافي
أنا من أول عرفتك موش مامون مايك طين وأنت تكلي صافي
روح لغير عالم أضحك وعيش وصاحب غيري تستاهل عوافي
مكابر روحي انتسرت مجاتيل وماتحمل ولامكتول اظافي
الرئيسية 
أحدث الصور 
موضوع: طيفك خناجر 
الخميس أبريل 16, 2009 2:58 am
