شارة العراق...

اتـشور يا عراق ....وشارتك بالاِبد
والرايد يجزأك باطل اِمن الساس
مهما اِيكون شكله ومركزه ولونه
نحرسك بالأرواح
ونبني الك سياج من اِضلوع
خيعونه اليحط اِضلوعه الك سياج خيعونه
النعرفه يا عراق البيت من اِيطيح
تتعاون عليه الناس وأهله اِبلهفه يبنونه
بس انته العجيبه البيك هالأيام
الغريب اِيريد يبني البيت
وأهل البيت كل همهم يفلشونه
معول بيد شالوا واِيد شالت فاس
النساه الفاس بالمعول يهدمونه
الذبح أما الذبح يا نكبة النكبات
انسانك صار عالمامش يذبحونه
مصيبه ومدري اِجتنه اِمنين
واِحنه الچان واحدنه
مهابه الناس تحلف بيه
الغيره اِبنظرة اعيونه
التسامح منهج اِويه الدار
ويه الدور بالمدرسه اِيعلمونه
صح منشار واحدنه يگص الزان والبلّوط
بس اِبساعة الكلفات .... أهله اِتعضهم اسنونه
جسر واحدنه للآخر
عليه أجدام اخوه اتدوس مامونه
تعلمنه الوفه من شيمة العبّاس
من دم الحسين وصبر ميمونه
من حكمة علي والعادل الفاروق
من عثمان غيره وموقف الصديق يدرونه
شواهد بيهم التاريخ يتباهه
هذوله ادروس للتاريخ ينطونه
يا سنة علي يا شيعة الفاروق
-العفو- يا شيعة علي يا سنة الفاروق
...............اِسمعونه
عراق اِحنه شعب واحد كلنه اِسلام تدرونه
كافي الطائفيه وكافي التهجير....واِفنونه
شعب واحد شعبنه اتعرفه كل الناس...خلّونه
نرجع بيه مثل ما چان خلّووووووووونه

يسلمووا على المشاركه الرووعه
تقبلي دي وتحياتي الج
نور النجف