إضحك دغش للوكت لو ثكل بيك اللوم
وإهذي بسوالف جذب وادمنه اخذها النوم
بيع الضمير إبفلس لو حل عليك السوم
وإكتل نثايه الشرف خاف إتحمل فد يوم
دنياك خرزة نذل طاف ابسماها البوم
خل تنشد اهل الصدكـَ وين الحميّه إشلون
غمض إعيون العرف لو كـَالوا إشيكـَلون
شاعر.......... طفل......... مجنون...!!!
إبوجه الأوادم ندم يلدنيه شنهو الصار
تدري بكـَـلوب التبن طافت بثر تيار
عمرك حلم مرتخي... غركـَـان وسط العار
رحمه المشي إبلا كـَـلب نسـّاني اخذ الثار
لو وّج مضيف السلف شعليّه غاد النار
دخان عمرك صعد مذبوح ما يدرون
غمض إعيون العِرف لو كـَـالوا إشيكـَلون
شاعر..............طفل............مجنون ..!!
أحجي إبسوالف عطش وشفافي صارن بيض
والريه تيبس غفل مايك لغاد إيفيض
كـَـلبك سفينة غضب تِدوي إبحور الغيض
بسكوت مات الشته والكـَـيظ شايل كـَيظ
تجري بحروف الشرف نهران دم الحيض
إنكـَـل سوالف صلف وإمشي إبدرب مسكون
غمض إعيون العِرف لو كـَـالوا اشيكـَـلون
شاعر............. طفل............ مجنون
ماتت إوجوه الخجل صوت النثايه إيصيح
مكتوب معنى الشرف برمال اخذها الريح
بالكـَـصه ما ظل عركـَ والغيره نكـَـطه إتسيح
العار لف النَفِس ماتسوه خلها إتطيح
جذب السوالف طفح ما ظل مجان إنزيح
صافح إجفوف النذل للدينه ظل ممنون
غمض إعيون العِرف لو كـَـالوا إشيكلون
شاعر......... طفل............ مجنون
الرئيسية 
أحدث الصور 
موضوع: حبك فرض بالروووووووووووووووووح 
الخميس أبريل 16, 2009 2:53 am
